AÐ SETJA MÖRK Í LÍFI OG STARFI - fjarnámskeið (Zoom)

Skráning og frekari upplýsingar: steinunn@starfsleikni.is og 697 8397

Staðnámskeið, haldin í Hafnarfirði, eru uppbókuð næstu mánuði. Þau eru kl 9-12 og 13-16 og 3klst x 4 skipti eins og fjarnámskeiðin. Ef fjarnámskeið hentar þér ekki, sendu mér fyrirspurn og ég set þig á biðlista ef losnar pláss á staðnámskeið. Það er alltaf möguleiki.

12 klst: 3klst í senn í 4 skipti.

Verð: 55.000 kr fjarnámskeið (og 70.000 kr fyrir staðnámskeið).

Réttur úr fræðslusjóði hjá flestum stéttarfélögum og oft hægt að semja við vinnuveitanda um tíma og greiðslu kostnaðar, enda er styrkingin allra hagur.

Næstu fjarnámskeið:

Apríl: 1., 8., 15. og 29. apríl (þriðjudagar) kl 9-12 (biðlisti)

Apríl: 2., 9., 16. og 30 apríl (miðvikudagar) kl 9-12 (biðlisti)

Maí: 7., 14., 21. og 28. apríl (miðvikudagar) kl 9-12 (biðlisti)

Júní: 3., 5., 19. og 24. júní kl 9-12 (biðlisti)

Skráning og upplýsingar: steinunn@starfsleikni.is og 697 8397

LÝSING:

Í lífi og starfi er mikilvægt að kunna að setja mörk af ábyrgð, vinsemd og festu.  Við gegnum mörgum hlutverkum og þess vegna er gott að skilja á milli, til dæmis sem starfsmenn, vinnufélagar, stjórnendur, eigendur, kunningjar, ættingjar, vinir, foreldrar, makar, aðstandendur og einstaklingar með fjölskyldu og frítíma, en ekki síst hlutverkið að vera við sjálf, mannvera sem þarf að hlúa að sjálfri sér.

Farið er í mikilvægi þess að þekkja sínar eigin tilhneigingar og vita hvaða mörk þarf helst að styrkja, til að geta byrjað að æfa sig í að setja skýr og kurteisleg mörk.  Hvenær er líklegast að það reyni á mörkin?  Er það í ákveðnum aðstæðum? Eru ákveðnir einstaklingar sem taka af okkur stjórnina, orðið eða skipulagið?

Gefin eru ráð í samskiptum, til dæmis varðandi það að hafa áhrif á tímasetningar, stað og stund, aðstöðu og andrými til að sinna erindum og tækifæri til persónulegrar hvíldar.  Lögð er áhersla á að láta ekki stýrast af óskipulagi annarra og mikilvægi þess að geta sagt “nei” á skýran og vinsamlegan hátt.

Fræðsla, umræður, verkefni, sjálfsskoðun og persónuleg markmið sem unnið er með milli vinnustofa/námskeiðshluta.  Skilyrði að vera með í hljóði og mynd til að taka virkan þátt.

Þau sem ekki eru vön fjarfundi eru hvött til að vera með. Æfingin skapar meistarana.

Leiðbeinandi er Steinunn Inga Stefánsdóttir, MSc streitufræði, MSc viðskiptasálfræði, BA sálfræði

Skráning og upplýsingar: steinunn@starfsleikni.is og 697 8397